blahhhhhhh

Ótrúleg vinnubrögð.  Ríki og sveitarfélög eiga ekki að vera í samkeppnisrekstri!!!!

Týpískt fyrir R-lista flokkana að reyna að halda í þessa peningahýt.
Það væri nú ráð að fá óháðann aðila, t.d. eins og Ríkisendurskoðun (eða jafnvel eitthvað enn öflugra apparat), til þess að rýna í bókhaldið og sýna okkur skattgreiðendum hvernig það hefur verið sturtað peningum í þetta í gegnum tíðina  Það mun líklega aldrei nást upp í núverandi kostnað, verður líklega bara afskrifað þegar fram í sækir .

Ætli R-lista liðið viti ekki upp á sig skömmina og séu ánægðastir að Lína.net sé nú komið aftur á þeirra borð svo að þeir geti falið mistökin sín

Hætt við að selja Gagnaveitu Reykjavíkur

Athugasemdir

[Kári Harðarson, 27.11.2007 kl. 18:00]

Þú ert að gefa þér að þetta sé samkeppnisrekstur.  Miðað við mína reynslu af "frjálsri samkeppni" á Íslandi myndi ég vilja bíða aðeins með að álykta að hún sé til staðar og  ekki flýta mér allt of mikið að selja.

Vegakerfið og hitaveitan voru lögð og ekki ætlast til að allt borgaði sig samstundis.   Vissulega er þetta dýrt, en öll menningarsamfélög fjárfesta í innviðum.  Getur Ríkisbókhaldið svarað því hvort vegakerfi landsmanna borgi sig ?

Þessi ljósleiðari er þarfaþing, hann þarf bara að komast í gagnið svo við getum farið að kveðja ADSL tæknina eins og ISDN forðum.

[Elías Halldór Ágústsson, 27.11.2007 kl. 19:13]

Svona samkeppnisrekstur eins og rekstur vatnslagna og raflagna.

[Benni, 28.11.2007 kl. 18:19]

Kári,

þetta er samkeppnisrekstur, ekki spurning!! 
Vegakerfi og hitaveita er allt annað mál.  Með vatnsveitu (heitt og kalt) getur þú aðeins keypt þjónustuna af einum aðila, þ.e. þeim sem veitir þér vatnið enda bara ein þjónusta möguleg á þess háttar veitum.
Með rafmagnsveitu átt þú að getra keypt rafmagn af mismunandi aðilum þó svo að ég hafi nú ekki séð það kerfi virka  - enda er þjónustan bara rafmagn en ekkert meira.
Grunn fjarskiptanet eru þannig uppbyggð að það er einhver aðili sem býður (í flestum tilfellum) öðrum aðilum að selja sína þjónustu yfir sitt net. 
Sú þjónusta getur verið margvísleg, t.d. gagnaflutningur, talsímasamband, sjónvarpsdreifing ofl. og geta margir aðilar selt þjónustu sína yfir sama netið.
Dæmi um fyrirtæki sem veita grunnþjónustu (eða geta veitt) og eru í samkeppni eru:
Míla, Gagnaveita Orkuveitu Reykjavíkur, Fjarski, Tengir, Gagnaveita Skagafjarðar o.fl.
Dæmi um aðila sem veita sína þjónustu á sameiginlegu neti eru:
Síminn, Vodafone, Hive o.fl.

Þó svo að fjarskiptanetum hafi oft verið líkt við vegakerfi þá nær samlíkingin ekki svo langt.  T.d. þarf alltaf að stækka vegina vegna aukinnar umferðar á meðan nóg er að skipta um endabúnað á fjarskiptanetum til þess að auka umferðina.  Ekki þarf alltaf að leggja nýja strengi.

Það er alltaf verði að fjalla um að lausnin sé ljós, allir þurfi ljósleiðara inn til sín.  Staðreyndin er sú að það er ekki komin brýn þörf fyrir ljósleiðara allsstaðar ennþá.  Koparinn er í fullu gildi sem sannast best á því að hægt er að bjóða stór sambönd yfrir kopar, ekki bara ADSL heldur einnig VDSL og Ethernet.  Það er því engin þörf á því að eyða hundruðum milljóna eða milljörðum í að rífa upp allar götur landsins og leggja inn ljósleiðara.  Það hefur Orkuveitan hins vegar verið að gera frá byrjun Línu.nets ævintýrsins og komist upp með að eyða fullt af peningum í "veitukerfi" sem er enn ekki nýtt nema að mjög litlu leyti.
Það er nokkuð sem við þurfum ekki að hafa áhyggjur af með vatn, rafmagn og skolp.  Það er í fullri notkun.

Svo virðist allir hafa gleymt Línu.nets sukkinu enda fínt að breyta bara um nafn á fyrirtækinu.  Lína.net keypti t.d. loftnet Skýrr - hvar er það núna? - keypti einnig Landsnet sem var í símaþjónustu til útlanda (að mig minnir) og Tetra kerfi (Tetra.net) sem var nú enn eitt bullið, svo að nokkur dæmi séu tekin.
Hér var peningum skattborgara í Reykjavík sóað í vitleysu!! 

Elías, ég er bara ekki alveg að átta mig á því hvað þú átt við.  Ef þú ert að meina það sama og Kári þá er svarið mitt hér að ofan.