Eitthvað er nú farið með rangt mál hjá MBL

Í fréttinni segir:

"Auto Uni­on varð til er Audi, DKW, Horch og Wand­erer runnu sam­an og stofnuðu eðal­bíla­smiðinn Mercedes-Benz. Um tíma til­heyrði vörumerkið móður­fé­lagi Mercedes, Daimler, sem eignaðist það 1958. Á end­an­um féll merkið aft­ur í eigu Volkswagen, eða  1964."

Þetta er einfaldlega rangt því að Auto Union var helsti samkeppnisaðili Mercedes-Benz, sérstaklega á kappakstursbrautum.
Líklega hefur átt að standa þarna að Audi, DKW, Horch & Wanderer runnu saman og stofnuðu Auto Union. 

Það er rétt að Daimler-Benz AG átti Auto-Union frá 1958 til 1964.
Þess má geta að litlu munaði að Daimler-Benz keypti BMW.  Quandt fjölskyldan, sem átti 10% í Daimler-Benz og 30% í BMW, hafði áhuga á því að Benz keypti BMW en vegna mótmæla frá starfsfólki og stéttarfélögum hætti Quandt fjölskyldan við það.  Þess í stað keyptu þau meirihlutann í BMW og hófu uppbyggingu á því fyrirtæki, þrátt fyrir aðvarandi fjármálafyrirtækja, ... and the rest is history 

Svo má við því bæta að núverandi móðurfélag Mercedes-Benz heitir Daimler AG í dag en hét Daimler-Benz AG frá 1926 til 1998 er það breyttist í Daimler-Chrysler AG.  Frá 2007 hefur það heitir Daimler AG eftir að Daimler losaði sig við Chrysler.

 

 

VW gæti aftur tekið upp heitið Auto Union